kavithai

 

கெப்ளரின் விதிகள்

 

சூரியனும் சுற்றிவரும் கோள்களும்

சூரியக் குடும்பமாகும்

குடும்பத் தலைவன் சூரியன்

கட்டமைப்பின் நடு  மையத்தில்

கோள்களின் சுற்றுப்பாதைகள்

நீள் வட்டப்பாதைகளாகும்.

நீள் வட்டப்பாதைக்கு இரு மையங்கள்

அதிலொன்று சூரியனின் அமைவிடமாகும்

இதுவே கெப்ளரின் முதல்  விதியாகும்

 

தொலைவில் ஏற்படும் மாற்றத்தால்

ஈர்ப்பில் ஏற்படும் மாற்றத்தைச்

சமன்செய்ய  சூரியனுக்கு

தொலைவிலிருந்தால் கோ ளின்

இயக்கவேகம்  குறைவாகவும் 

அருகிலிருந்தால் அதிகமாகவும் இருக்குமே

அதனால் ஓரலகு நேரத்தில்  ஆரம்

கூட்டிச் செல்லும் பரப்பு

சமமாக இருக்குமே  

பரப்பு வேகம் ஒரு மாறிலி என்பது

கெப்ளரின் இரண்டாம் விதியாகும்.

 

நிலைத்த இயக்கத்திற்கு

மைய விலகு விசை ஈர்ப்பு விசையாகுமே

இத் தொடர்பு கோளின் இயக்க வேகத்தின்

இருமடி மற்றும் ஆரத்தின் பெருக்கல் பலன்

ஒரு மாறிலி என்று தெரிவிக்குமே

v² r = மாறிலி என்பது இதன் குறிமொழியாகுமே

கோணத் திசைவேகம்  என்பது

கோணப்பெயர்ச்சி வீதமாகும்.

சுற்றுப்பாதை மற்றும் கோணத் திசை வேகம்

 v = rꞷ  என்ற தொடர்பில் இருக்குமே

ஒன்றில் ஒன்றை பதிலீடு செய்ய

ஆரத்தின் மும்மடி

சுற்றுக் காலத்தின்  இருமடிக்கு

நேர்விகிதத் தொடர்பிலிருக்கின்றது

இதுவே கெப்ளரின் மூன்றாம் விதியாகும்