Kavithai

விடுபடு  வேகம்

 

உயரே எறிந்த ஏறி பொருள்

ஓரளவு தொலைவு கடந்த பின்

கடந்த தொலைவை மீண்டும் கடந்து

பூமியின் மடியில் விழுமே

ஈர்ப்புவிசைக்கு எதிராக  

வேலை  செய்தால் மட்டுமே

பூமியிலிருந்து ஒரு பொருளை

பிரித்துச் செல்ல முடியுமே

வேலைக்கு வேண்டிய ஆற்றலை

கொடுப்பது தொடக்க இயக்கவாற்றலே

இயக்கவாற்றல் தீரும் வரை

பொருள் உயர உயரச் செல்லுமே

பூமியின் ஈர்ப்பிலிருந்து விடுபட்டு

விண் வெளிக்குச் செல்ல

ஈர்ப்பழுத்தம் சுழியாக இருக்கும்

எல்லைவரை செல்ல வேண்டுமே

புவி பரப்பில் ஈர்ப்பழுத்தம் GM/R

பொருளின் ஈர்ப்பாற்றல் GMm/R

பொருள் பூமியிலிருந்து விடுபட்டுச் செல்ல

பொருளுக்குக் கொடுக்கப்பட்ட

தொடக்க இயக்கவாற்றல்

பூமியில்  பொருளின் ஈர்ப்பாற்றலுக்குச்

சமமாக இருக்கவேண்டுமே

இது v = [2GM/R]^1/2 என்ற தொடர்பைத் தருமே

புவிபரப்பில் பொருளின் எடை என்பது

பொருள் மீது  செயல்படும் ஈர்ப்பு விசைதான்  

இது g =GM/R²  என்ற தொடர்பைத் தர

அதைப்  பதிலீடு செய்ய  விடுபடு வேகம்

v = (2gR)^1/2  என்று நிறுவப்படுமே

விடுபடு வேகம் விண்ணுறுப்பின்

ஈர்ப்பு முடுக்கம்  கோளத்தின் ஆரம்

இவற்றைப்பொறுத்து  அமையுமே

பூமியில் இதன் மதிப்பு

வினாடிக்கு  11.2  கிலோமீட்டராகுமே