வு -விகுதிச் சேர்க்கை 

தமிழில் 'வு' விகுதிச் சேர்க்கையால் உருவான சொற்கள் எண்ணிலா 

கலைச் சொல்லாக்கங்களிலும் இப் போக்கு பின்பற்றப்பட்டு பல புதிய 

சொற்கள் படைக்கப் பட்டுள்ளன . 

நிறமாலையியலில் ஒரு சில இயற்பியல் காரணங்களினால் 

அதிலுள்ள பட்டை வரிகள் விரிந்து காணப்படுவதுண்டு .

இதை ஆங்கிலத்தில் broadening  என்பர். இச் சொல்லை

அகல் விரிவு என்று சொல்லாக்கம் செய்யலாம் 

.

expanding  universe  - விரிவண்டம் 

expansion of universe - அண்ட விரிவு

இங்கு விரிவுக்கு 'பெருக்கம் ' என்ற சொல்லை ப் பயன்படுத்த 

முடியாது. .வேறு சில இடங்களில் அப்படியும் பயன் படுத்த 

முடியும் .

linear  expansion - நீள விரிவு /நேரிய விரிவு 

areal  expansion - முக விரிவு /பரப்பு விரிவு 

volume expansion - பரும விரிவு 

expansion of gas - வளிம விரிவு

expansion of liquid - நீர்ம விரிவு  

விரிவுக்கு 'பெருக்கம்' என்ற சொல்லும் இணக்கமானதே 

என்றாலும்,துணைச் சொற்களின் சுருக்கமான கலைச் 

சொற்களுக்கு அனுகூலமிக்கதாக இல்லை. 

coefficient of linear expansion - நீள விரிவுக் குணகம் 

coefficient of  areal  expansion - முக விரிவுக் குணகம் 

coefficient of  volume expansion - பரும விரிவுக் குணகம்

 

மின் கடத்தாப் பொருட்கள் (dielectrics ) ஒரு குறிப்பிட்ட உயர்

மின் புலத்தில் தன் மின் கடத்தாத் தன்மையை 

இழந்துவிடுகிறது..இதை dielectric breakdowan என்பர்.

.தமிழில் இதை மின் கடத்தாப் பண்பு முறிவு என்றோ 

அல்லது மின்கடத்தாப் பண்பிழப்பு என்றோ குறிப்பிடலாம்.

பிற துணைச் சொற்கள் 

breakdown point - முறிவு நிலை 

elastic limit - மீள்மை எல்லை / மீள் நிலை முறிவு 

முறிவுகளில் பல வகை உண்டு. அவற்றை 

intrinsic (or ) avalanche  breakdown - அக நிலை அல்லது மின் கிளர் நிலை முறிவு 

thermal breakdown - வெப்பக் கிளர் நிலை முறிவு 

chemical breakdown -வேதி முறிவு 

discharge breakdown - மின்னிறக்க முறிவு 

defect breakdown - படிக வழு முறிவு 

percipitation - வீழ் படிவு

electrolytic  deposit - மின்னாற்பகு படிவு  

cavity - உட்குழிவு

ozone depletion - ஓசோன் நலிவு

 brain drain - அறிவுச் சலனம் 

வளரும்  நாடுகள் இந்த அறிவுச் சலனத்தால் பாதிக்கப்பட்டு 

வருகின்றன. உள் நாட்டில் அறிவையும் திறமையையும் 

வளர்த்துக் கொண்ட இளைஞர்கள் உயர்ந்த ஊதியம் ,

திறமைக் கேற்ற வேலை மற்றும் பிற அனுகூலங்களுக்காக 

மேலை நாடுகளுக்குப் போய் பணியாற்றுகின்றனர். .

இதனால் தாய் நாட்டின் வளர்ச்சியில் ஒரு மந்தத்தனம் 

ஏற்படுகின்றது .பொதுவாக வளரும் நாடுகள் வேலைவாய்ப்பு 

கேற்ப கல்வி அல்லது கல்விக்கேற்ற வேலைவாய்ப்பு இவற்றை முன்திட்டமிட்டு வளர்த்துக்கொள்வதில் பலதரப்பட்ட 

கருத்துகளின் சங்கமத்தில் ஒரு முடிவுக்கு வரவியலாது ,

அதன் போக்கிற்கே விட்டு விடுகின்றன .அறிவுச் சலனத்தால் 

உள் நாட்டின் வேலை வாய்ப்புப் பிரச்சனையின் தீவிரம் 

தற்காலியமாகக் குறைந்தது போலத் தோன்றினாலும் அறிவியல்,தொழில்நுட்பம் மற்றும் பொருளாதார 

வளர்ச்சியில் தொய்வு ஏற்படுகின்றது .மேலும் நீண்ட காலப் 

போக்கில் இந்த அறிவுச் சலனம் ,நாகரிகத்தில் ஒரு 

விதமான கலப்பை ஏற்படுத்தி விடலாம். எடுத்துக் காட்டாக 

வெளி நாட்டிலேயே தங்கி விட்ட குழந்தைகள் ,

அவர்களுடைய நாகரிகத்தைப் பின்பற்றுவதையும் ,தாய் 

நாட்டின் நாகரிகத்தை மறுப்பதையும் சுட்டிக்காட்டலாம் .