Valarum ariviyal thamil

வு விகுதிச் சேர்க்கை - தொடர்ச்சி

density என்பது செறிவு என்றும் அடர்த்தி என்றும் தமிழாக்கம் செய்யப்பட்டு பெரு வழக்கில் உள்ளது .

liquid density - நீர்ம அடர்த்தி 

charge density - மின்னூட்டச்  செறிவு 

current density - மின்னோட்டச் செறிவு  

condensation என்பது இறுக்கத்தால் ,வெப்பக் குறைப்பால் அடர்த்தியை அதிகரிக்கச் செய்யும் வழிமுறை .

இது பொருள் வளிம நிலையில் இருக்கும் போது இயலக் கூடியதாக இருப்பதால் வளிமச் செறிவிப்பு

என மொழியாக்கம் செய்யப்பட்டுள்ளது .

actinometer  எனும் கருவி ஒளி அல்லது கதிர் வீச்சின் அளவை அளவிட்டறிந்து தெரிவிப்பதால் அதைக்

கதிர் செறிவு மானி அல்லது ஒளிப் பொதிவு மானி என்று அதைக் கலைச்  சொல்லாக்கம் செய்யலாம் .

ஒளி குறுக்கீட்டு விளைவில் இரு வகையுண்டு .ஓரியல் ஒளியின் ஓரலையின் முகடும் அல்லது அகடும் 

மற்றோர் அலையின் முகடும் அல்லது அகடும் ஒன்று கூடும் போது ஒளிச் செறிவு பன் மடங்கு அதிகரிக்கும் .

மாறாக ஓரலையின் முகடும் அல்லது அகடும் மற்றோர் அலையின் அகடும் அல்லது முகடும் ஒன்று சேரும்போது 

ஒளிச் செறிவில் இருள் சூழும். இதை ஆக்கக் குறுக்கீடு என்றும் அழிவுக் குறுக்கீடு என்றும் கூறுவர்.

distructive interference - அழிவுக் குறுக்கீடு

விண்மீன்களின் வளர்ச்சிப் படிகளில் nova  என்பதும் ஒன்று. ஈர்பழிவின் இறுதிக் கட்டத்தில் உலவும் ஒரு 

விண்மீனை நோவா என்பர். .அந் நிலையில் அது விரிந்தும் ,சுருங்கியும் விந்தையான தோற்றங்களை க்

காட்டும். அதனால் இதை அழிவுறு விண்மீன் என்பர். 

super nova - உடன் அழிவுறு விண்மீன் 

இது போல கீழ் கண்ட சொற்களுக்கும் விளக்கமளிக்கலாம் 

acidity - அமில வலிவு ,அமிலமை

air leakage - காற்றுக் கசிவு 

current leakage - மின் கசிவு,

absolute expansion - சார்பிலா விரிவு 

luminosity - ஒளிப் பொதிவு

expertise - தேர்ந்தறிவு, தேர்மைத் திறன்

fossil fuel - தொல் படிவு எரிபொருள்

hologram - ஒருங்கைப் பதிவு , முப்பரிமாண ஒளிப்படம்

holography - ஒருங்கைப் பதிவியல் ,முப்பரிமாண ஒளிபடவியல் 

heat content - பொதிவு வெப்பம் ,வெப்ப அடக்கம் 

intensity - ஒளிச் செறிவு 

slope - சரிவு 

 positive - நேர் சரிவு 

 negative - எதிர் சரிவு 

ohmic contact - மின் நொட்டுறவு

glasnost - ஒளிவு மறைவற்ற தன்மை 

மிகைல் கோபச்சொவ் சோவியத் யூனியனில் பொதுவுடமைக் கொள்கையின் வீழ்ச்சிக்கு 

வழிவகுத்த ,நம்ப முடியாத அளவிற்கு ப் பெரிதும் வியப்பளித்த நிகழ்வுகளோடு இயக்கிக் 

கொண்டிருந்தார் .உலகம் இச் சீரமைப் பிற்காக விழாவெடுத்துக் கொண்டாடிக் கொண்டாடி

அவரைச் சிறப்பித்தது. அப்போது இரஷ்ய மொழியில் இரு புதிய சொற்கள் சேர்க்கப் பட்டன .

அவை பொருளாதாரச் சீர்திருத்தங்களை ப் புதுப்பித்தல் ,புதுமையக்கம் செய்தல் என்ற 

 பொருள் படும் 'பிரெஸ்ட் ரோயிக்கா ' , வெளிப்படைத் தன்மை ,மக்கள் பணத்திற்கு கணக்குக் 

காண்பித்தல் மற்றும் என்ன நடக்கிறது என்பதை அறிந்து கொள்ள மக்களுக்கு உரிமை என்ற 

பொருள் படும் கிளாஸ்நோஸ்ட் ஆகியவையாகும் .இதற்குத் தமிழில் முறையே திருத்தச் 

சீர்திருத்தங்கள் என்றும் ஒளிவு மறைவின்மை என்றும் கூறலாம் .  

.

       இராணுவ இரகசியங்கள் ,பாதுகாப்பு நடவடிக்கைகள் போன்ற சிலவற்றைத் தவிர அரசியல் வாதிகளின் ஒளிவு

மறைவின்மை என்பது நல்ல ஆளுமைக்கும் ஆட்சிக்கும் அடையாளமாகும் .ஆட்சி மாற்றத்திற்கான 

எண்ணங்களுக்குச் சிறிதும் இடம் கொடுக்காமல் ,ஆட்சியில் மக்கள் முழுநம்பிக்கை கொள்ள இது 

மறைமுகமான அளவுகோலாக இருக்கிறது .அடிக்கடி ஆட்சி மாறுகிறது என்றால் ஒளிவு மறைவின்மையில் 

ஓசோன் துளை என்று பொருள் .

ஒளிவு மறைவின்மை சில கிளைச் சொற்களையும் உண்டாக்கி இருக்கிறது .Glasnostify  என்பது ஒளிவு மறைவின்றி 

இருக்கச் செய் என்ற பொருள் படும் வினைச் சொல்லாகும் .இச் சொல்லை இங்கிலாந்து நாட்டு நிறுவனங்கள் 

புழக்கத்தில் ஏற்றுக் கொண்டுள்ளன.இதை ஒளிவு மறைவிலாக் கொள்கை என்று சற்று மாற்றி வர்ணிக்கிறது .